پاکستان نے جنوبی افریقہ کو 4وکٹوں سے ہرا دیا

تفصیلات کے مطابق پاکستان اور جنوبی افریقہ کے درمیان ٹی ٹوئنٹی سیزیز  کے پہلے میچ  میں   پاکستان نے جنوبی افریقہ کو 4 وکٹوں سے ہرا دیا۔ جنوبی افریقہ نے پاکستان کو جیت کیلئے 189  رنز کا ٹارگٹ دیا تھا، جنوبی افریقہ نے 20 اوورز میں 6  وکٹوں پر188  رنز بنائے تھے، قومی ٹیم نے 189 رنز کا ٹارگٹ  6 وکٹیں گنوا کر حاصل کرلیا۔ پاکستان کی جانب سے محمد رضوان ناٹ آؤٹ 74 رنز بنا کر نمایاں رہے ہیں ۔پاکستان کو 4 میچوں کی سیریز میں 1-0 کی برتری مل گئی ہے۔

میزبان ٹیم کے آئیڈن مارکرم اور کپتان ہینریک کلاسن نے نصف سنچریاں سکور کیں۔ جبکہ  فاسٹ باؤلر حسن علی اور محمد نواز نے 2،2 وکٹیں حاصل کیں۔محمد حفیظ پاکستان کی طرف سے 100 ٹی ٹونٹی انٹرنیشنل کھیلنے والے دوسرے کرکٹر بن گئے۔

جنوبی افریقہ نے پہلے ٹی ٹوئنٹی میچ میں ٹاس جیت کر پاکستان کے خلاف بیٹنگ کرنے کا فیصلہ کیا تھا۔

واضح رہے کہ پاکستان نے جنوبی افریقا کو تیسرے  ون ڈے میچ میں 28 رنز سے ہرا کر  3 میچوں کی سیریز 2-1 کے فرق سے اپنے نام کرلی تھی۔پاکستان کے بلے باز فخر زمان نے سیریز میں  لگاتار دوسری سنچری سکور کی،  امام الحق نے 57 اور بابر اعظم نے 94 رنز کی اننگز کھیلی تھی۔جنوبی افریقہ کے مہاراج 3 وکٹیں لے کر نمایاں رہے تھے۔