وزیراعظم کی خیبرٹیچنگ ہسپتال کی ازسرنو جدید تعمیر پر مبارکباد

تفصیلات کے مطابق وزیر اعظم عمران خان نے سماجی رابطے کی ویب سائٹ ٹوئٹر پر خیبر ٹیچنگ اسپتال کی تزئین و آرائش کے بعد حالیہ تصاویر شئیر کیں ۔وزیراعظم عمران خان  نے اپنے پیغام میں  لکھا کہ بہت سی کاوشوں کے بعد  خیبر ٹیچنگ اسپتال پشاور کی  تعمیر نو کی گئی ہے۔ان کاکہناتھا کہ نئے اسٹیٹ آف دی آرٹ اسپتال کی تعمیر  کرنا بہت آسان  کام ہے لیکن پہلے سے موجود سرکاری اسپتالوں کوجدید  اور بہتر بنانا  مشکل کام ہے۔اس سلسلے میں خیبر ٹیچنگ اسپتال پشاور کے  بورڈ اور انتظامیہ مبارکباد کے مستحق ہیں۔

Khyber Teaching Hospital has been totally revamped and modernised after a lot of effort. It is easy to build a new state of the art hospital; but very difficult to fix our existing government hospitals. I want to congratulate the KTH Board and management for their efforts. pic.twitter.com/QbuhS1X0fP

— Imran Khan (@ImranKhanPTI) April 10, 2021

خیال رہے 5اور 6 دسمبر کی درمیانی شب  خیبر ٹیچنگ  ہسپتال کے کورونا وارڈ میں آکسیجن کی قلت کے باعث چھ افراد جان کی بازی ہار گئے  تھے جس کے بعد حکومت نے ہسپتال کے بورڈ آف گورنرز کو تحقیقات کا حکم دیا تھا۔  ترجمان خیبر ٹیچنگ اسپتال کا کہنا تھا کہ آکسیجن ٹینکر راولپنڈی سے لائے جاتے ہیں، ناگزیر وجوہ سے سلنڈر سپلائی میں تاخیر ہوئی، تحقیقاتی رپورٹ میں یہ بھی  کہا گیا کہ ہسپتال میں ہیلتھ ٹیکنیکل میمورینڈم کی سفارشات کے برعکس آکسیجن کا بیک اپ نظام موجود نہیں۔ رپورٹ میں کہا گیا  تھا کہ یہ سانحہ نظام کی ناکامی کی وجہ سے پیش آیا، ٹینک میں آکسیجن کی شدید کمی تھی جو کسی کے نوٹس میں نہیں آئی، کسی نے اس پر توجہ نہیں دی اور کسی نے اسے چیک نہیں کیا۔