سونے کی فی تولہ قیمت میں دوسرے روز بھی کمی

پاکستان میں سونے کی فی تولہ قیمت میں 100 روپے کی معمولی کمی ہوئی ہے۔ 100 روپے کی کمی سے فوی تولہ سونے کی قیمت ایک لاکھ 84 ہزار 400 روپے کا ہوگیا۔

پاکستانی صرافہ مارکیٹوں میں 10 گرام سونے کی قیمت میں 86 روپے کمی سے 1لاکھ 58 ہزار 93 روپے کا ہوگیا۔

دوسری جانب سونے کی قیمتوں کی برعکس ایک تولہ چاندی کی قیمت 2080 روپے پر مستحکم رہی۔

خیال رہے کہ آج عالمی مارکیٹ میں بھی فی اونس سونے کی قیمت میں کمی ہوئی ہے۔ عالمی مارکیٹ میں سونا 6 ڈالر کمی سے 1909 ڈالر فی اونس کا ہوگیا۔

واضح رہے کہ گزشتہ دن عالمی مارکیٹ میں فی اونس سونے کی قیمت میں 5 ڈالر اور پاکستان میں فی تولہ سونے کی قیمت میں 2800 روپے کی غیر معمولی کمی ہوئی تھی۔