پی سی بی نے ایشیا کپ ملتوی ہونے کا اعلان کردیا

تفصیلات کے مطابق  ترجمان پاکستان کرکٹ بورڈ (پی سی بی ) کا کہنا ہے کہ  ایشیا کپ 2022 تک ملتوی ہوچکا ہے۔ رواں سال پاک بھارت کرکٹ ٹاکرے کی ایک اور امید دم توڑ گئی، ایشیا کپ کے التواء کے سبب فینز روایتی حریف کے درمیان کرکٹ میچ سے محظوظ نہیں ہوسکیں گے۔پاکستان کرکٹ بورڈ کی جانب سے جاری اعلامیہ میں ایشیا کپ کے ایک سال تک التواء کا اعلان کیا گیا۔

دونوں ممالک کے درمیان رواں سال ٹاکرے کی آخری امید اب آئی سی سی ٹی ٹونٹی ورلڈ کپ میں رہ گئی ہے۔

یاد رہے کہ اس سے قبل ایشیا کپ گزشتہ سال ہونا تھا تاہم کورونا وائرس کے باعث اسے 2021 تک ملتوی کردیا گیا تھا۔

واضح ر ہے کہ  ٹورنامنٹ رواں سال جولائی میں سری لنکا میں کھیلا جانا تھا۔