منشا پاشا اور جبران ناصر شادی کے بندھن میں بندھ گئے

تفصیلات کے مطابق پاکستان شوبز انڈسٹری کی مشہور اداکارہ منشا پاشا اور سماجی کارکن جبران ناصر شادی کے بندھن میں بندھ گئے۔ دونوں کے نکاح کی تصاویر سوشل میڈیا پر وائرل ہوگئیں ۔

مشہور فوٹو شیئرنگ ایپ انسٹاگرام میں اداکارہ منشا پاشا نے  اپنی اور جبران ناصر کی تصویر شیئر کی  ہے جس کا کیپشن " نکاح " ہے۔

تصایر میں دیکھا جا سکتا ہے کہ  اداکارہ منشا پاشا گولڈن رنک کے خوبصورت عروسی لباس میں ملبوس ہیں جبکہ جبران ناصر نے بھی اہلیہ کے لباس سے ملتے جلتے رنگ کا انتخاب کیا۔

مداحوں کی جانب سے  اداکارہ کی پوسٹ پر انہیں نکاح کی مبارک باد دینے کا سلسلہ جاری ہے۔

واضح رہے کہ اداکارہ  منشا پاشا نے سال 2019 میں 22 دسمبر کو سماجی کارکن جبران ناصر سے منگنی کی تھی۔