پاکستان اسٹیل کی بحالی میں ہر ممکن مدد فراہم کرنے کو تیار ہیں:کنوینر پاکستان اسٹیل اسٹیک ہولڈزگروپ

پاکستان اسٹیل اسٹیک ہولڈز گروپ کے کنوینر ممریز خان نے کہا ہے کہ آئی ایم ایف کی شرط کے تحت خسارے والے اداروں کی نجکاری کرنا ہو گی جبکہ پاکستان اسٹیل کی بحالی نجکاری کے بغیر ممکن ہے ،کنوینر ممریز خان نے کہا ہے کہ ملکی معیشت کی بہتری کےلئے پاکستان اسٹیل کو پبلک سیکٹر میں بحال کیا جائے ،پاکستان اسٹیل کی بحالی میں ہر ممکن مدد فراہم کرنے کو تیار ہیں۔
انہوں نے کہا کہ پاکستان اسٹیل کی بحالی سے آئی ایم ایف کی شرط بھی پوری ہو سکے گی،پاکستا ن اسٹیل کی بحالی سے ملازمین کے مسائل حل ہوں گے،ملک میں جاری اسٹیل ڈیلرز کی اجارہ داری ختم ہو جائے گی، اس منافع کمانے والی پاکستان اسٹیل کو حکومتوں نے تباہی نے دہانے پر پہنچا دیا،پاکستان اسٹیل 2000سے 2008تک منافع کما کر دے رہی تھی،2008سے 2023تک پاکستان اسٹیل کا خسارہ اور قرضہ 260ارب روپے سے تجاور کر چکا ہے
ممریز خان نے مزید کہا کہ پاکستان اسٹیل ہنر مندوں اور ملز کے اپنے وسائل سے نجکاری کے بغیر کی بحال کی جا سکتی ہے،پاکستان اسٹیل ایک قومی اثاثہ ہے،پاکستان اسٹیل کی بحالی سے انجینئر سیکٹر اور تعمیراتی شعبے کو مناسب قیمت اسٹیل مل سکے گا،