حکومت فارن کرنسی کی بیرون ملک اسمگلنگ کو روکنے کےلئے اقدامات کرے ,چیف جسٹس آف پاکستان

چیف جسٹس پاکستان عمر عطا بندیال کی سربراہی میں تین رکنی بینچ نے سپر تیکس کے نفاز کے خلاف کیس کی سماعت کی،عمر عطا بندیال نے کیا کہ پاکستان بینک کرپٹ نہیں ہو ریا،روزانہ پاکستان سے کروڑوں ڈالر غیر قانونی طور پر باہر جا رہے ہیں۔

چیف جسٹس پاکستان نے کہا کہ ہمیں صرف منظم ہو کر اقدامات کرنے کی ضرورت ہے، ہر ایک کو ملک کے مفاد کےلئے اپنے آپ کو بہتر کرنے کی ضرورت ہےحکومت فارن کرنسی کی بیرون ملک اسمگلنگ کو روکنے کےلئے اقدامات کرے تو صورتحال بہتر ہو سکتی ہے۔

دوران سماعت ایف بی آر کے وکیل نے کہا کہ سپر ٹیکس کیس میں لاہور ہائی کورٹ کا حتمی فیصلہ آگیا ہے،لاہور ہائی کورٹ نے سپر ٹیکس کے فیصلے پر عمل درآمد60دن کےلئے معطل کر دیا ہے۔

سپریم کورٹ نے سپر ٹیکس کے تمام مقدمات کو یکجا کرنے کا حکم دیتے ہوئے سماعت 16فروری تک ملتوی کر دی ہے۔