پہلا ایلی منیٹر: زلمی کا یونائیٹڈ کو جیت کیلئے 184 رنز کا ہدف

پاکستان سپر لیگ (پی ایس ایل) سیزن 8 کے پہلے ایلیمینیٹر میں  پشاور زلمی نے اسلام آباد یونائیٹڈ کو جیت کے لئے 184 رنز کا ہدف دے دیا۔

قذافی اسٹیڈیم میں کھیلے جا رہے میچ میں اسلام آباد یونائیٹڈ نے پشاور زلمی کے خلاف ٹاس جیت کر پہلے فیلڈنگ کا فیصلہ کیا۔

پشاور زلمی کی جانب سے کپتان بابراعظم نے 64، محمد حارث 34 اور صائم ایوب 23 رنز بنا کر نمایاں رہے۔

یونائیٹڈ کی جانب سے شاداب خان نے دو جب کہ محمد وسیم، حسن علی، فہیم اشرف اور فاروقی نے ایک ایک وکٹ حاصل کی۔

آج کا میچ ہارنے والی ٹیم پی ایس ایل 8سے باہر ہوجائے گی جب کہ جیتنے والی ٹیم کا مقابلہ دوسرے ایلی منیٹر میں لاہور قلندرز سے  ہو گا۔