سونے کی قیمت میں سینکڑوں روپے کی کمی

بین الاقوامی مارکیٹ میں فی اونس سونے کی قیمت میں 28 ڈالر کی گراوٹ دیکھی گئی جس کے بعد عالمی مارکیٹ میں فی اونس سونے کی قدر 1950 امریکی کرنسی ہو گئی ہے۔

عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی سمیت دیگر جگہوں پر فی تولہ سونے کی قیمت میں گیارہ سو روپے کی کمی ریکارڈ کی گئی اور نئی قدر 2 لاکھ 4 ہزار 600 روپے ہو گئی ہے۔

اُدھر فی تولہ سونے کی طرح دس گرام سونے کی قیمت میں 944 روپے کی تنزلی دیکھی گئی اور قیمت 1 لاکھ 75 ہزار 411 روپے ہو گئی ہے۔

تاہم فی تولہ اور دس گرام چاندی کی قیمتوں میں استحکام ریکارڈ کیا گیا اور قیمتیں بالترتیب 2250 روپے اور 1929 روپے کی سطح پر برقرار ہیں۔