برقعہ پہن کر گھر میں گھسنے والے تین ڈاکو پولیس مقابلے میں ہلاک

کراچی کے علاقے کورنگی میں پولیس مقابلے میں 3 ڈاکو ہلاک ہوگئے جبکہ فائرنگ کے دوران اہل خانہ محفوظ رہے۔ایس ایس پی کورنگی کے مطابق تینوں ڈاکو فائرنگ کے تبادلہ میں مارے گئے۔

کراچی کے علاقے کورنگی بنگالی کیمپ میں ڈاکو گھر میں گھس گئے، جہاں پولیس اور ڈاکوؤں کے درمیان فائرنگ کا تبادلہ ہوا، فائرنگ سے 3 ڈاکو مارے گئے۔رہائشی کے مطابق ڈاکو 3 منزلہ عمارت میں ڈکیتی کی نیت سے داخل ہوئے، اطلاع ملنے پر پولیس موقع پر پہنچ گئی، 2 ملزمان نے خود کو چھپانے کے لئے برقعہ پہن رکھا تھا۔

رہائشی نے بتایا کہ ملزمان نے پہلی منزل پر موجود فیملی کو یرغمال بنایا، یرغمالیوں سے 40 ہزار روپے نقد اور 4 موبائل فون چھینے۔ پولیس گھر میں داخل ہوئی تو ملزمان چھت پر بھاگے، ملزمان اور پولیس میں فائرنگ کا تبادلہ ہوا۔2 ملزمان چھت پر مارے گئے، ایک ڈاکو نے برابر والے گھر میں چھلانگ لگائی، مقابلے کے دوران تیسرا ڈاکو برابر والے گھر میں مارا گیا۔