پاکستانی مارشل آرٹ فائٹر کی امریکا میں شاندار کامیابی

پاکستانی مارشل آرٹ فائٹر شاہ زیب رند نے امریکا میں شاندار کامیابی حاصل کرلی۔

شاہ زیب رند نے میامی میں کامبیٹ کراٹے لیگ میں اپنی پروفیشنل فائٹ جیت لی، انہوں نے وینیز ویلا کے گیبو ڈیاز کو تین راؤنڈز میں شکست دی۔

Your winner by decision SHAHZAIB RINDH! Pakistan ?? you got a good one! pic.twitter.com/n0fIaqDyVB

— Karate Combat (@KarateCombat) April 2, 2023

اپنے ڈیبیو میچ میں پاکستانی کھلاڑی نے شائقین، کھلاڑیوں اور ججز کو متاثر کیا۔ شاہ زیب رند نے مقابلہ جیتنے کے بعد سجدہ شکر ادا کیا اور پاکستانی پرچم بلند کیا۔تین، تین منٹ کے تین راؤنڈز کے بعد ریفریز نے شاہ زیب کو متفقہ فاتح قرار دیا۔

There is nothing better than the pit ? #KC38 pic.twitter.com/j9NaldeeIP

— Karate Combat (@KarateCombat) April 2, 2023

اس لیگ کو دنیا بھر کے 100 سے زیادہ ممالک میں نشر کیا گیا، پاکستان میں شاہ زیب کے آبائی شہر کوئٹہ میں محکمہ کھیل کی جانب سے یہ مقابلہ بڑی سکرین پر دکھانے کا بندوبست کیا گیا تھا۔

واضح رہے کہ شاہ زیب رند کامبیٹ کراٹے میں شرکت کرنے والے پہلے پاکستانی فائٹر ہیں۔