فلسطینی شہر غزہ میں اسرائیلی جنگی طیاروں کا حملہ

فلسطینی شہر غزہ میں اسرائیلی جنگی طیاروں نے حملہ کردیا، طیاروں نے غزہ کی پٹی پر فلسطینی آبادی کو نشانہ بنایا۔

اسرائیلی فورسز کی درندگی جاری ہے، مسجد اقصیٰ پر حملے کے بعد فلسطینی شہر غزہ میں اسرائیلی جنگی طیاروں نے حملہ کردیا، صہیونی طیاروں نے غزہ کی پٹی پر فلسطینی آبادی کو نشانہ بناتے ہوئے 3 راکٹ فائر کیے۔

اسرائیلی طیاروں نے خان یونس اور بیت بانون میں اہداف کو نشانہ بنایا، جس کے بعد غزہ کے قریب اسرائیلی علاقوں میں سائرن بجنے لگے۔حماس کے مطابق فضائی حملے ناکہ بندی والے ساحلی علاقے میں کیے گئے ہیں، علاقے میں رات گئے دھماکوں کی آوازیں سنائی دیں۔

فلسطینی سیکیورٹی حکام کے مطابق راکٹ حملوں میں کسی جانی نقصان کی اطلاع نہیں ملی۔میڈیا رپورٹ کے مطابق اسرائیل نے الزام لگایا ہے کہ حماس نے لبنان سے راکٹوں سے حملہ کیا ہے جس کے جواب میں کارروائی کی گئی ہے۔