چینی کی بڑی کھیپ اسمگل کرنے کی کوشش ناکام

بلوچستان کے مختلف علاقوں سے بڑے پیمانے چینی کی اسمگلنگ کی کوشش ناکام بنادی گئی، دو لاکھ 30 ہزار کلو چینی قبضے میں لے لی گئی۔

کسٹمز نے بلوچستان کے مختلف علاقوں میں کارروائیاں کیں اور چینی کی بڑی کھیپ اسمگل کرنے کی کوشش ناکام بنادی، لکپاس، نوتال اور درخشاں کے علاقوں سے 4 ہزار 610 بوریاں چینی برآمد کرلی۔

ترجمان کسٹمز کے مطابق دو ہفتوں کے دوران 848 میٹرک ٹن چینی کی اسمگلنگ کی کوشش ناکام بنائی گئی۔

پاکستان میں رمضان المبارک میں چینی کی ذخیرہ اندوزہ اور منافع خوری عروج پر ہے، چند روز کے دوران چینی کی فی کلو قیمت میں 25 سے 40 روپے تک اضافہ ہوگیا ہے۔