جسٹس قاضی فائز عیسی کا جوڈیشل کمیشن کے ارکان کو خط

سپریم کورٹ میں 2 ججز کی تقرری کے معاملے پر جسٹس قاضی فائز عیسیٰ نے جوڈیشل کمیشن کے ممبران کو خط لکھ دیا۔قاضی فائز عیسیٰ نے جوڈیشل کمیشن کے سینئر ممبر کی حیثیت سے جوڈیشل کمیشن کے تمام ممبران کو لکھا ہے.

خط میں سفارش کی گٸی ہے کہ سندھ ہائیکورٹ کے چیف جسٹس احمد علی شیخ اور پشاور ہائیکورٹ کی چیف جسٹس مسرت ہلالی کی بطور سپریم کورٹ کے جج کے طور پر تقرری عمل میں لاٸی جائے۔

واضح رہے کہ سپریم کورٹ میں اس وقت 17 ججز کی جگہ 15 ججز کام کر رہے ہیں۔دوسری جانب پارلیمانی کمیٹی برائے ججز تقرری کا اجلاس 4 مئی کو طلب کر لیا گیا ہے۔اجلاس میں پشاور ہائیکورٹ کے ججز معاملات کا جائزہ لیا جائے گا تاہم اجلاس کا ایجنڈا ممبران کو نہیں دیا گیا، اجلاس بلانے کے حوالے سے ممبران کو اطلاع دی گئی۔

واضح رہے کہ جسٹس قاضی فائزعیسیٰ جوڈیشل کمیشن کے سینیئر ممبر ہیں جبکہ چیف جسٹس عمر عطا بندیال جوڈیشل کمیشن کے سربراہ ہیں۔