بلاول کی ایس سی او کانفرنس میں شرکت،پاکستان کابھارت سے رابطہ

وزیرخارجہ بلاول بھٹو زرداری کی شنگھائی کوآپریشن آرگنائزیشن کےاجلاس میں شرکت کیلئے دورہ بھارت کے سلسلے میں پاکستان سول ایوی ایشن اتھارٹی نےبھارتی سول ایوی ایشن اتھارٹی کو فضائی حدود استعمال کرنے کےاپشن دیئے ہیں۔

نجی ٹی وی  کے مطابق وزیرخارجہ بلاول بھٹو زرداری کے دورہ بھارت کے معاملے پر پاکستان سول ایوی ایشن اتھارٹی کا بھارتی سول ایوی ایشن اتھارٹی سےرابطہ ہوا ،جس میں پاکستانی سی اے اے نےبھارتی شہرگوواجانے کے لیےاسلام آباد اورکراچی ایرپورٹ سےبھارتی فضائی حدود استعمال کےاپشن دیئے۔

نجی ٹی وی  کے مطابق سی اے اے نے بھارتی سول ایوی ایشن اتھارٹی کو بلاول بھٹوکے خصوصی طیارے کوبھارتی شہرگوواکیلئےفضائی روٹ دینے کا کہاہے۔بھارتی سی اے اے نے تاحال پاکستانی سی اے اے کی درخواست پرفضائی روٹ فراہم نہیں کیا۔

دفتر خارجہ کے مطابق وزیر خارجہ بلاول بھٹو زرداری 4 اور 5 مئی کو بھارت کے شہر گوا میں شنگھائی تعاون تنظیم (ایس سی او) کی وزراء خارجہ کونسل کے اجلاس میں پاکستانی وفد کی قیادت کریں گے۔

وزیر خارجہ شنگھائی تعاون تنظیم کی وزراء خارجہ کونسل کے موجودہ سربراہ بھارت کے وزیر خارجہ ڈاکٹر ایس جے شنکر کی دعوت پر ایس سی او کے وزراء خارجہ کے اجلاس میں شرکت کر رہے ہیں۔