سونے کی قیمت میں تیزی سے اضافہ ہونے لگا

تفصیلات کے مطابق بین الاقوامی مارکیٹ میں فی اونس سونے کی قیمت میں 25 امریکی ڈالر کا اضافہ دیکھا گیا اور نئی قدر 2015 امریکی ڈالر ہو گئی ہے۔

عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، ملتان سمیت دیگر جگہوں پر فی تولہ سونے کی قیمت میں 1700 روپے کا بڑا اضافہ دیکھا گیا اور نئی قیمت دو لاکھ 22 ہزار 700 روپے ہو گئی ہے۔

خیال رہے کہ گزشتہ روز بھی ملک بھر میں فی تولہ سونے کی قیمت میں 1500 روپے کا بڑا اضافہ دیکھا گیا تھا۔

مزید برآں فی تولہ سونے کی طرح دس گرام سونے کی قیمت 1457 روپے کے اضافے کے بعد 190929 روپے ہو گئی ہے۔

اُدھر دس گرام اور فی تولہ چاندی کی قیمتوں میں بھی 20 روپے اور 17.15 روپے کا اضافہ دیکھا گیا اور نئی قدریں بالترتیب 2750 روپے اور 2357.68 روپے ہو گئی ہے۔