عازمین حج کی تربیت 17 مئی تک جاری رہے گی، طلحہ محمود

اسلام آباد: وفاقی وزیر حج سینیٹر طلحہ محمود نے کہا ہے کہ عازمین حج کی تربیت 17 مئی تک جاری رہے گی،عازمین حج کے لیے دوائوں کے معیار کو بہتر بنایا جا رہا ہے،عازمین حج پاکستان کے نمائندہ ہوتے ہیں۔

حج کمپلیکس کے دورے کے موقع پر میڈیا سے گفتگو کرتے ہوئے وزیر مذہبی امور نے کہا کہ حج کے دنوں میں گرمی ذیادہ ہو گی صبر اور برداشت کی ضرورت ہوگی،حج کی تربیت لازمی کریں۔

جنہوں نے تربیت کر رکھی ہے وہ بھی ٹریننگ ضرور کریں،عازمین حج کے لیے دوائوں کے معیار کو بہتر بنایا جا رہا ہے،دوائیں ٹیسٹ کے لیے بھیج رہے ہیں اگر معیار پر پوری نہ اتریں تو کمپنیوں کو بلیک لسٹ کر دیا جائے گا۔