پنجاب حکومت کا انٹر اسٹی ٹرانسپورٹ کی بحالی کا فیصلہ

تفصیلات کے مطابق  پنجاب حکومت نے انٹر اسٹی ٹرانسپورٹ  کی بحالی کا فیصلہ کرلیا ہے،میٹر وبس سروس اور سپیڈو بسیں کل سے چلیں گی اس حوالے سے نوٹی فکیشن بھی  جاری کردیا گیا ہے ۔

وزیر ٹرانسپورٹ نے سروس بحالی کے ساتھ کورونا ایس اوپیز کے خاص خیال رکھنے کی ہدایت کی ہے۔کورونا کی تیسری لہر کی شدت کے باعث انٹر اسٹی ٹرانسپورٹ پر پابندی عائد کی گئی تھی۔

خیال رہے کہ گزشتہ ماہ  پنجاب کے 9 شہر وں میں پبلک ٹرانسپورٹ پر پابندی عائد کردی گئی تھی جبکہ لاہور میں ہر طرح کی پبلک ٹرانسپورٹ بند کرنے کے احکامات جاری کیے گئے تھے۔

لاہور ٹرانسپورٹ کمپنی نے شہر میں ہر طرح کی پبلک ٹرانسپورٹ پر پابندی کا نوٹیفکیشن جاری کیا تھا۔مراسلے میں پنجاب میں لاہور، راولپنڈی،سرگودہ،فیصل آباد،ملتان سمیت 4 شہروں میں پبلک ٹرانسپورٹ کو بند کرنے کے احکامات جاری کر دئیے گئے تھے۔پابندی کا اطلاق بس ،کوسٹر،ٹیکسی،رکشہ، ویگن،چنگچی پر تھا  ۔ نوٹیفکیشن کے مطابق شہر میں ہر طرح کی پبلک ٹرانسپورٹ پر پابندی عائد کی گئی تھی۔ اس کے علاوہ اورنج لائن ٹرین،میٹروبس،سپیڈوبس سروس کو بندکر دیا گیا تھا۔