" گلابی رنگ کے واٹس ایپ سے موبائل فون ہیک "

تفصیلات کے مطابق  واٹس ایپ کو گلابی کرنے کا دعوی کرنے والا ایک لنک گردش کر رہا ہے ،  سائبر ماہرین نے خبر دار کرتے ہوئے کہا ہے کہ  یہ وائرس ہے اور یہ آپ کے موبائل فون کو ہیک کر سکتا ہے۔

سائبر ماہرین نے واٹس ایپ صارفین کو خبردار کیا  ہے کہ وہ وائرس لنک کے شکار نہ بنیں جو واٹس ایپ کو گلابی رنگ میں تبدیل کرنے کا دعویٰ کرتے ہیں،اس لنک پر کلک کرنے سے صارفین کا فون ہیک ہو جائے گا  اور وہ اپنے واٹس ایپ تک رسائی سے محروم ہو جائیں گے۔

یہ لنک  مختلف  واٹس ایپ گروپس میں گردش کر رہا ہے۔ سائبر سیکیورٹی کے ایک ماہر راج شیکھر راجہ ہریا نے کہا کہ واٹس ایپ پنک کے نام کے ساتھ کسی بھی لنک پر کلک نہ کریں، اگر آپ نے کلک کردیا تو آپ کا موبائل فون ہیک ہوجائے گا اور  آپ کی   اپنے  فون تک مکمل رسائی ختم ہو جائے گی۔

سائبر انٹیلی جنس فرم نے واٹس ایپ  صارفین کو سختی سے مشورہ دیا ہے کہ وہ گوگل یا ایپل کے آفیشل ایپ اسٹور کے علاوہ کسی بھی ایپ کو انسٹال نہ کریں۔

سائبر ماہرین کا مزید کہنا ہے کہ غلط ایپ کا استعمال کر کے آپ اپنے فون پر سمجھوتا کرتے ہیں اور اس ایپ کے ذریعے  آپ کے ذاتی ڈیٹا جیسے تصاویر، ایس ایم ایس، اور رابطوں وغیرہ کو چوری کیا جا سکتا ہے۔ جب کہ کی بورڈ پر مبنی مال ویئرآپ کی ٹائپنگ کی ہر چیز کو ٹریک کرنے کے لیے استعمال کیا جا سکتا ہے۔

WhatsApp Pink, a malicious app, is in circulation that could steal your data once installed and allow hackers to gain access to your phonehttps://t.co/ND7DaQiDNI pic.twitter.com/i5SJ9lG0wR

— Gadgets 360 (@Gadgets360) April 19, 2021

سائبر سیکیورٹی نے خبردار کیا ہے کہ ایسے لنک پر کلک کرنے سے نہ صرف آپ کے  بینکنگ پاس ورڈ پر قبضہ بلکہ  اکاؤنٹ سے چوری بھی ہو سکتی ہے۔