کاروباری ہفتے کا پہلا دن ڈالر کی قدر میں اضافہ

کراچی: گزشتہ کاروباری ہفتے میں ڈالر کی قدر میں کمی کے بعد کاروباری ہفتے کے پہلے روز ڈالر کی قدر میں اضافہ دیکھا جارہا ہے۔

کرنسی ڈیلر کے مطابق انٹربینک میں ڈالرکی قدر میں31 پیسے اضافے کے بعد امریکی ڈالر کی 283 روپے 90 پیسے پر فروخت جاری ہے۔

دوسری جانب کرنسی ڈیلرز کے مطابق اوپن کرنسی مارکیٹ میں بھی ڈالر 1.5 روپے مہنگا ہوکر 288.50 روپے کا ہوگیا۔

خیال رہے کہ گزشتہ کاروبای ہفتے کے اختتام پر اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے آخری کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 13 پیسے کی کمی ریکارڈ کی گئی۔