امریکا میں پاکستانی سفارتخانے میں پاسپورٹ ڈی سی کے نام سےسالانہ پروگرام کا انعقاد

امریکا کے دارالحکومت واشنگٹن میں پاکستانی سفارتخانے میں پاسپورٹ ڈی سی کے نام سےسالانہ پروگرام منعقد ہوا جس میں عالمی شہرت یافتہ پاکستانی ٹرک آرٹ ،روایتی لباس، جواہرات، آرٹ نمونے،فرنیچر،قالین اور مزیدار کھانوں کی نمائش کی گئی۔

? Fun moments @PakinUSA #PassportDC2023 ⁦@TheEventsDC⁩ pic.twitter.com/29xwb8rS7A

— Pakistan Embassy US (@PakinUSA) May 7, 2023

پاکستانی سفارتخانے میں منعقدہ تقریب میں 3 ہزار سے زائد افراد نے شرکت کی جن میں پاکستانی نژاد امریکی شہری،سفارتکار،امریکی حکام، تھنک ٹینک کمیونٹی،غیر سرکاری اداروں اور میڈیا سمیت زندگی کے تمام شعبوں سے تعلق رکھنے والے مرد و خواتین اور بچوں نے ملکی ثقافت کی بھرپور نمائندگی کی۔

 تقریب میں لگائے گئے سٹالز میں روایتی اور غیر روایتی سلے اور بغیر سلے ڈیزائنر کپڑے و دلہن کے ملبوسات، جواہرات ، زیورات، ہاتھ سے بنے قالین ، چنیوٹی فرنیچر، فن پارے اور پینٹنگز، موسیقی کے آلات، جوتے (پشاوری چپل) اور مختلف مصالحے شامل تھے۔

And that’s a wrap! Thank you everyone who joined us today ⁦@TheEventsDC⁩ #PassportDC2023

A great opportunity to share our rich ?? culture, food, and traditions with you all !

Until next time! #PassportDC pic.twitter.com/OlIXRRsqIB

— Pakistan Embassy US (@PakinUSA) May 7, 2023

نمائش میں پاکستانی کھانوں اور چائے کے سٹال بھی لگائے گئے جبکہ روایتی مصنوعات کے ساتھ ساتھ، تیزی سے بڑھتا ہوا آئی ٹی سیکٹر بھی تھا جو دنیا بھر میں کاروبار کو بڑھانے کے لیے جدید ڈیجیٹل آئی ٹی حل فراہم کرنے میں پاکستانی نوجوانوں کی صلاحیت کی عکاسی ہے۔ نمائش میں شرکا نے مہندی کے سٹال پر اپنے ہاتھوں پر مہندی لگوائی۔

رکشہ اور سکوٹر پر پینٹ پاکستانی ٹرک آرٹ نے دیکھنے والوں کو محظوظ کیا۔ امریکا میں پاکستان کے سفیر مسعود خان نے سالانہ پروگرام میں شرکت پر مہمانوں کا شکریہ ادا کیا ملک کی نمایاں خصوصیات کو اجاگر کیا ۔