جنوبی کوریا میں کام کرنے والے پاکستانیوں کی ترسیلات زرمیں جاری مالی سال کے پہلے 10 ماہ میں سالانہ بنیادوں پرایک فیصد کمی

اسلام آباد: جنوبی کوریا میں کام کرنے والے پاکستانیوں کی ترسیلات زرمیں جاری مالی سال کے پہلے 10 ماہ میں سالانہ بنیادوں پرایک فیصدکی کمی ریکارڈکی گئی ہے۔

سٹیٹ بینک کی جانب سے اس حوالہ سے جاری کردہ اعدادوشمار کے مطابق جولائی 2022 سے اپریل 2023 تک کی مدت میں جنوبی کوریا میں کام کرنے والے پاکستانیوں نے 80.2 ملین ڈالرکازرمبادلہ ملک ارسال کیا جو گزشتہ مالی سال کی اسی مدت کے مقابلہ میں ایک فیصدکم ہے۔

گزشتہ مالی سال کی اسی مدت میں جنوبی کوریا میں کام کرنے والے پاکستانیوں نے81 ملین ڈالر کا زرمبادلہ ملک ارسال کی اتھا، اپریل میں جنوبی کوریا سے ترسیلات زر کا حجم 7.5 ملین ڈالرریکارڈ کیا گیا جو مارچ میں 8.5 ملین ڈالر اور گزشتہ سال مارچ میں بھی 8.5 ملین ڈالر تھا۔

واضح رہے کہ جاری مالی سال کے پہلے 10 ماہ میں سمندرپارپاکستانیوں کی ترسیلات زرمیں سالانہ بنیادوں پر13 فیصدکی کمی ریکارڈکی گئی ہے۔