لاہور کے ہسپتال میں زخمی شہر ی کو فائرنگ کر کے قتل کردیا گیا

زخمی شہری کو فائرنگ کر کے قتل کرنے کی واردات کی سی سی ٹی وی ویڈیو بھی سامنے آگئی ہے، ویڈیو میں ملزم اور مقتول دونوں کی شناخت ہو گئی۔

سی سی ٹی وی ویڈیو میں دیکھا جا سکتا ہے کہ فائرنگ کرنے والا ایمرجنسی وارڈ میں داخل ہوا اور اسٹریچر پر لیٹے زخمی ساجد کو فائرنگ کرکے قتل کر دیا۔

فائرنگ کے واقعے کے بعد فرار ہوتے ملزم کو میو ہسپتال کے عملے نے پکڑ کر پولیس کے حوالے کر دیا۔مقتول ساجد کی والدہ کی مدعیت میں ملزم بوٹا اور اس کی اہلیہ کے خلاف مقدمہ درج کر لیا گیا ہے جبکہ پولیس نے واقعے کی ہر پہلو سے تحقیقات کا آغاز کر دیا ہے۔