کراچی : بلدیہ چار نمبرمیں فائرنگ،تین افراد زخمی

تفصیلات کے مطابق  کراچی کے علاقے  بلدیہ چار  نمبر  میں فائرنگ ہوئی ہے،جس میں  3 افراد زخمی ہوگئے ہیں ۔ریسکیو کے مطابق  زخمیوں کو سول ہسپتال منتقل کردیا گیا ہے۔ زخمیوں کی شناخت،جمروز،نیاز علی  اور حسنین علی کے ناموں سے ہوئی ہے۔

ایس پی بلدیہ کا کہنا ہے کہ  واقعہ دو طرفہ فائرنگ کے تبادلے میں پیش آیا ہے ،پولیس پارٹی کرمنل کی گرفتاری کے کیے پہنچی تو فائرنگ ہوئی ہے۔ ملزمان تاحال فرار ہوگئے واقعہ کی مزید تفتیش کی جارہی ہے۔

دوسری جانب عینی شاہد کا کہنا ہے کہ   فائرنگ پولیس اہلکاروں کی جانب سے کی گئی ، ہم بلدیہ 4 نمبر پر حلیم خرید رہے تھے کہ پولیس اہلکاروں نے ایک شخص کو گرفتار کرنا چاہا ،  عوام نے پولیس موبائل سے مطلوبہ شخص کو نکالا جس کے بعد پولیس نے فائرنگ کردی۔ عینی شاہد نے مزید کہا ہے کہ   پولیس نے ہوائی نہیں اسٹریٹ فائر کیے ،  فائرنگ کرنے والے اہلکاروں میں ایک اہلکار نشے میں تھا۔