سعودی عرب کے ساتھ تعاون عالمی دہشت گردی کے ساتھ نمٹنے کا بنیادی ستون ہے،برطانوی وزیر
عالمی دہشت گردی کا مقابلہ کرنے کے لیے مشترکہ بین الاقوامی کارروائی کی ضرورت ہے،لارڈ طارق احمد

مشرق وسطیٰ کے لیے برطانوی وزیر مملکت لارڈ طارق احمد نے کہا ہے کہ برطانیہ اور سعودی عرب کے درمیان تعاون بین الاقوامی دہشت گردی کے خطرے سے نمٹنے کے لیے ایک بنیادی ستون ہے۔ انہوں نے کہا توقع کرتے ہیں کہ یمنی فریقین کے درمیان اقوام متحدہ کی سرپرستی میں مذاکرات ایک ایسے تصفیے کی طرف چلے جائیں گے جہاں تنازعہ ختم ہو جائے گا۔
انھوں نے ریاض میں دہشت گردی سے نمٹنے کے لیے بین الاقوامی اتحاد کی کانفرنس میں اپنی حالیہ شرکت کے موقع پر ایک انٹرویو میں کہا کہ ہمیں داعش سے منسلک گروہوں کی جانب سے تیزی سے بڑھتے خطرات کا سامنا ہے۔
لارڈ طارق احمد نے عالمی دہشت گردی کا مقابلہ کرنے کے لیے مشترکہ بین الاقوامی کارروائی کی ضرورت پر بھی زور دیا۔ انہوں نے کہا ایوی ایشن سکیورٹی، دفاعی سائبر سیکیورٹی اور دہشت گردی اور انتہا پسندی کا مقابلہ کرنے میں سعودی عرب کا کردار اہم ہے۔
سوڈان کے تنازعے کے حوالے سے برطانوی وزیر نے کہا کہ ان کا ملک افریقی یونین کی قیادت میں ایک نئے گروپ کے اندر کام کر رہا ہے تاکہ تنازعہ کے فریقین کو مذاکرات کی میز پر واپس لایا جا سکے۔ لارڈ طارق احمد نے سوڈان میں جنگ کو روکنے کی ضرورت پر زور دیا۔ انہوں نے فوجی دستوں اور ریپڈ سپورٹ فورسز سے مطالبہ کیا کہ وہ جدہ مذاکراتی پلیٹ فارم کے نتائج کے لیے عہد کریں۔
یمنی صورتحال پر لارڈ احمد نے کہا کہ سعودی اور حوثی شراکت داروں کے درمیان موجودہ مذاکرات یمن میں امن کی جانب فیصلہ کن قدم ہیں۔ یہ ضروری ہے کہ تیل کے بنیادی ڈھانچے، تاجروں اور شپنگ کمپنیوں کو لاحق خطرات کو روکا جائے۔ ہم توقع کرتے ہیں کہ یمنی فریقوں کے درمیان اقوام متحدہ کی سرپرستی میں ہونے والی بات چیت سے تنازع کا مستقل خاتمہ ممکن ہو جائے گا۔ انہوں نے کہا کہ یمن میں طویل مدتی استحکام حاصل کرنے اور انسانی بحران سے نمٹنے کے لیے سیاسی تصفیہ ہی واحد راستہ ہے۔
شام کی عرب لیگ میں واپسی پر تبصرہ کرتے ہوئے برطانوی وزیر مملکت نے کہا کہ ہم شام کی عرب لیگ میں واپسی کی حمایت نہیں کرتے اور مستقبل میں عربوں کے ساتھ شام کی شمولیت صدر بشار الاسد کی جانب سے بنیادی تبدیلیوں سے مشروط ہونی چاہیے۔ شام کو اقوام متحدہ کے سیاسی عمل میں حصہ لینا چاہیے۔ یہی شام میں مستقل اور پائیدار امن کے حصول کا واحد راستہ ہے

اسحاق ڈار کی مصری وزیر خارجہ سے ٹیلیفونک رابطہ،دوطرفہ تعلقات پر اطمینان کا اظہار
- 7 hours ago

پی آئی اے کا نوٹس، جدہ ائیر پورٹ پر ہاتھ پائی کرنے والی ائیر ہوسٹس معطل
- 9 hours ago

اسرائیل کا صومالی لینڈ کوالگ ملک تسلیم کرنا عالمی امن کیلئے خطرہ، اعلان مسترد کرتے ہیں،او آئی سی
- 9 hours ago

پاک بھارت کشیدگی نے پاکستان کی دفاعی صلاحیت اور بین الاقوامی ساکھ کو مزید مضبوط کیا،عالمی جریدہ
- 8 hours ago

بانی ایم کیو ایم ڈرامے باز آدمی ہے، الطاف حسین نے عمران فاروق کو مروایا، مصطفیٰ کمال کا انکشاف
- 10 hours ago

کراچی: سہراب گوٹھ میں گھر سے افغان خاتون اور 3 بچوں کی پھندا لگی لاشیں برآمد،تفتیش جاری
- 6 hours ago

فیلڈمارشل پاکستان کیلئے عسکری و سفارتی محاذ پر فرنٹ فٹ پر کھیلے،برطانوی جریدے کا اعتراف
- 5 hours ago

کرکٹر عماد وسیم اور ان کی اہلیہ ثانیہ اشفاق کی راہیں جدا ہوگئیں
- 4 hours ago

کرک: پولیس اور سی ٹی ڈی کی مشترکہ کارروائی,8 دہشتگرد جہنم واصل
- 3 hours ago

وزیراعظم شہباز شریف نے مظفر آباد میں جدیدکینسر اسپتال اور میڈیکل کالج کا افتتاح کردیا
- 3 hours ago

مغربی ہواؤں کا سلسلہ کل سےداخل ہونے کا امکان، ملک بھر میں بارشوں کی پیشگوئی
- 9 hours ago

قلات : سیکیورٹی فورسز کی کامیاب کارروائی،بھارتی حمایت4 دہشت گرد جہنم واصل
- 3 hours ago













.jpg&w=3840&q=75)