سبزیوں کی برآمدات میں مئی 2023کے دوران 38فیصد اضافہ ریکارڈ

اسلام آباد: سبزیوں کی برآمدات میں مئی 2023 کے دوران 38.7فیصد اضافہ ریکارڈ کیا گیا ہے۔

ادارہ برائے شماریات پاکستان (پی بی ایس) کے جاری کردہ اعدادوشمارکے مطابق گزشتہ سال مئی کے مقابلے میں رواں سال مئی میں سبزیوں کی برآمدات میں 38.7 فیصد کا اضافہ ریکارڈ کیا گیا ہے۔

مئی 2022 میں مجموعی طورپر 4.5ارب روپے کی سبزیوں کی برآمدات ریکارڈ کی گئی تھیں جو مئی 2023 میں بڑھ کر6.22ارب روپے ہوگئیں۔ اس طرح مئی 2022 کے مقابلے میں رواں سال مئی میں سبزیوں کی برآمدات میں 1.72ارب روپے کا اضافہ ریکارڈ کیا گیا ہے۔