عید الاضحی قربانی، مساوات اور ایثار کی علامت ہے :وزیراعظم

اسلام آباد: وزیراعظم محمد شہباز شریف نے کہا ہے کہ عید الاضحی قربانی، مساوات اور ایثار کی علامت ہے۔

آج ایک ٹویٹ میں وزیراعظم نے کہا کہ عید الاضحی سماجی و اقتصادی عدم مساوات کو کم کرکے اتحاد کو فروغ اور ہمدردی اور اللہ تعالی کے احکامات کے سامنے سرتسلیم خم کرنے کے جذبات پیدا کرتی ہے انہوں نے کہا کہ یہ تہوار ہم سے تقوی اور پاکیزگی کی زندگی اپنانے کا تقاضا کرتا ہے۔

عید الاضحی کے پرمسرت موقع پر وزیراعظم شہباز شریف نے بالعموم مسلمانوں اور بالخصوص بیرون ملک مقیم پاکستانیوں جو آج یہ تہوار منارہے ہیں کو دل کی گہرائیوں سے مبارک باد پیش کی۔