کورونا کے پیش نظروفاقی وزیر تعلیم شفقت محمود نے تمام امتحانات موخر کر دیئے

تفصیلات کے مطابق نیشنل کمانڈ آپریشن سینٹر (این سی او سی) نے ملک بھر میں کورونا وائرس کی تشویشناک صورتحال کے پیش نظر تمام امتحانات کو 15 جون تک موخر کر دیا ہے۔

وفاقی وزیر تعلیم شفقت محمود کا این سی او سی اجلاس کے بعد میڈیا کو بریفنگ دیتے ہوئے کہنا تھا کہ کورونا کی وجہ سے رواں سال 15 جون تک کوئی امتحان نہیں ہوگا۔لہذا مئی میں نویں ، دسویں ، گیارویں ،اور بارویں کے امتحانات کو 15 جون تک موخر کر دیا گیا ہے ۔

شفقت محمود کا کہنا تھا کہ امتحانات جولائی اور اگست تک جا سکتے ہیں جبکہ او لیول کے امتحانات اکتوبر اور نومبر میں ہونگے۔ 15 جون تک سارے امتحانات کینسل ہونگے۔ تاہم حالاتکا جائزہ لینے کے بعد مئی کے تیسرے ہفتے میں حتمی فیصلہ کیا جائے گا۔