پنجاب پولیس نے بیرون ملک فرار ہونے والے 6 اشتہاریوں کو گرفتار کر لیا

لاہور: تفصیلات کے مطابق انسپکٹر جنرل (آئی جی) پنجاب پولیس ڈاکٹر عثمان انور نے پولیس کو بیرون ملک فرار ہونے والے اشتہاری مجرموں کے خلاف کریک ڈاؤن تیز کرنے کا حکم دیا ہے تاکہ ان میں سے مزید افراد کو گرفتار کیا جا سکے۔

ملزمان کو انٹرپول کے ذریعے پاکستان واپس لا کر ان سے مزید تفتیش شروع کر دی گئی ہے، پولیس نے بتایا کہ مختلف اضلاع کی پولیس کو یہ ملزمان ڈکیتی اور قتل کے مقدمات میں مطلوب تھے۔

مجرموں کی شناخت توقیر بٹ، ملک بوستان، حسن، شاہ زیب، وقار عظیم اور نسیم عباس کے نام سے ہوئی ہے، ملزمان یاسر قمر اور شہزاد ڈکیتی کی وارداتوں میں ملوث تھے۔