کھلاڑی حارث رؤف کے ولیمہ میں شرکت نہ کریں، پی سی بی

کراچی: پاکستان کرکٹ بورڈ (پی سی بی) نے پاکستان کرکٹ ٹیم کے کھلاڑیوں کو ساتھی کھلاڑی اور فاسٹ بولر حارث رؤف کی اسلام آباد میں ولیمہ کی تقریب میں شرکت کی اجازت نہیں دی۔

ترجمان پی سی بی کے مطابق خراب موسم کے باعث کراچی واپسی کی پرواز کا حصول مشکل ہو جائے گا، جس کے پیش نظر بورڈ نے قومی کرکٹ ٹیم کے کھلاڑیوں کو اسلام آباد جانے سے روک دیا ہے۔

کچھ کھلاڑیوں نے حارث رؤف کی تقریب میں شرکت کے لیے آج (ہفتہ) کو اسلام آباد روانہ ہونا تھا جس کے ساتھ وہ ہفتے کی سہ پہر کراچی واپسی کا ارادہ رکھتے تھے۔ تاہم اب وہ حارث کی شادی میں شرکت نہیں کر سکیں گے۔

شیڈول کے مطابق پاکستان کرکٹ ٹیم کا کراچی میں جاری تربیتی کیمپ آج (جمعہ) کو ختم ہوگا اور ٹیم دبئی کے راستے کل (ہفتہ) رات کولمبو روانہ ہوگی۔

اس سے قبل گزشتہ روز فاسٹ باؤلر حارث نے شادی کی تقریب قریبی رشتہ داروں اور دوستوں کے ساتھ منائی۔