تھائی وزیر اعظم کو ماسک نہ پہننے پر جرمانہ عائد

تھائی لینڈ کورونا وائرس کے  کیسز میں اضافے سے نمٹنے کیلئے کوششیں کر رہا ہے،حکومت نے کورونا  وبا کو قابو کرنے کے لئے عوامی مقامات پر ماسک پہننا لازمی قرار دے دیا ہے۔

بینکاک کے گورنر  نے ​​فیس بک پر لکھا  "وزیر اعظم جرمانے کی ادائیگی پر راضی ہوگئے ،" انہوں نے وضاحت کرتے ہوئے کہا کہ آن لائن تصاویر وائرل ہونے  کے کئی گھنٹوں بعد انہوں نے کئی سینئر پولیس افسران کے ساتھ وزیر اعظم سے ملاقات کی تھی۔

While making the procurement of covid-vaccines as a national agenda, the premier forgot to lead by example by not wearing a mask during the meeting this morning. Will Prayut be fine by up to 20,000 baht like everybody else?#โควิด19 #โควิด19วันนี้ Photo via Prayut's Facebook pic.twitter.com/mpjFgQmbcG

— Thai Enquirer (@ThaiEnquirer) April 26, 2021

وزیر اعظم  پریوتھ چن اوچا  نے عوامی طور پر کوئی تبصرہ نہیں کیا ہے ، لیکن وہ تصویر جس میں ایک سرکاری میٹنگ انہیں  ماسک کے بغیر دکھایا گیا ہے،  ان کے فیس بک پیج سے ڈیلیٹ کردیا گیا ہے۔

یہ واقعہ تھائی لینڈ میں کورونا وائرس پھیلنے کی تازہ لہر کے دوران  پیش آیا ہے جس نے اپریل کے آغاز سے لے کر اب تک 28000 سے زیادہ افراد کو متاثر کیا ہے اور 54 افراد ہلاک ہوگئے ہیں۔

تھائی لینڈ میں بدھ کے روز کورونا وائرس   سے  15 نئی اموات ہوئی ہیں  ۔کل کورونا کیسز کی تعداد 61,699 ہوگئی ہے جبکہ  2012نئے کیسز سامنے آئے ہیں ۔ 15 نئی اموات میں  11 مرد اور چار خواتین شامل ہیں ، جن کی عمر 35-88 ہے۔