پی سی بی کا پاکستان سپر لیگ کا کل وقتی سربراہ لانے کا فیصلہ

تفصیلات کے مطابق پاکستان سپر لیگ 6، پی ایس ایل فیکٹ فائنڈنگ پینل کی سفارشات پرپی سی بی نے ایکشن لیتے ہوئے  ڈائریکٹر کمرشل بابر حامد سے پی ایس ایل کا چارج واپس لے لیا،  پینل کی سفارشات کی روشنی میں بابر حامد سے عہدے کا چارج واپس لیا گیا ہے،  ڈائریکٹر کمرشل بابر حامد  پی ایس ایل 2021 کے معاملات اور اس کی پلاننگ کے ذمہ دار تھے۔

پاکستان کرکٹ بورڈ ( پی سی بی) نے پاکستان سپر لیگ کا کل وقتی سربراہ لانے کا فیصلہ کرلیا۔ پی ایس ایل کے معاملات چلانے کے لیے ڈائریکٹر لانے کا فیصلہ کیا گیا ہے۔ پی ایس ایل کے بائیو سیکور ببل کی خلاف ورزیوں پر بورڈ کو شدید تنقید کا سامنا رہا۔ پی ایس ایل کو چودہ میچز کے بعد پی ایس ایل  ملتوی کرنا پڑا تھا۔

فیکٹ فائنڈنگ پینل نے جائزہ لینے کے بعد سفارشات پیش کیں تھیں ، شعبہ میڈیکل کے سربراہ ڈاکٹر سہیل سلیم پہلے ہی مستعفی ہوچکے ہیں۔

پی سی بی ڈائریکٹر پی ایس ایل  کی تلاش کے لئے اشتہار دے گا، اشتہار کل دیاجائے گا تیرہ مئی تک درخواستیں جمع کرائی جا سکیں گی، نئے ڈائریکٹر پی ایس ایل کے باقی میچز کے دوران موجود ہوں گے۔

گزشتہ روز پاکستان سپر لیگ 6 کیلئے غیر ملکی دستیاب کھلاڑیوں کے انتخاب کیلئے ریپلیسمنٹ ڈرافٹ مکمل کرلی گئی تھی۔پاکستان کرکٹ بورڈ  ( پی سی بی)  ایک ساتھ تمام کھلاڑیوں کے ناموں کا اعلان کرے گا۔

لاہور قلندرز نے شکیب الحسن کو پک  کر لیا  ہے اور  آندرے رسل کوئٹہ گلیڈی ایٹرز کا حصہ بن گئے ہیں ۔

کراچی کنگز نے مارٹن گپٹل کو پک کیا ہے۔ پلاٹینم میں اسلام آباد یونائیٹڈ نے عثمان خواجہ کو پک کیا ہے۔ملتان سلطانز نے محمود اللہ کو منتخب کیا جبکہ  جیمز فولکنر ، جو برنز ، کیلم فرگوسن اور سیکو پرسنا بھی لاہور قلندرز کا حصہ بن گئے ہیں ۔

فابین ایلن ،روومن پاول اور فیڈل ایڈورڈز پشاور زلمی کا حصہ ہوں گے،  نجیب اللہ زدران تھیسارا پریرا اور لیٹن داس کراچی کنگز میں شامل ہوگئے ہیں ۔رحمان اللہ جارج لنڈے اور اوبے میکوئے ملتان سلطانز میں آ گئے ہیں ۔

پی سی بی کا کہنا ہے کہ  ری پلیسمنٹ ڈرافٹ مکمل ہو چکا کھلاڑیوں سے تصدیق کے بعد اعلان کیا جائے گا۔

پی ایس ایل کے باقی میچز یکم سے 20 جون تک کراچی میں کھیلے جائیں گے، کھلاڑیوں کا ایک ہفتے کا قرنطینہ 22 مئی سے شروع ہو گا۔