پنجاب کے مختلف علاقوں میں ہلکی اور تیز بارش کا سلسلہ جاری ہے

لاہور: لاہور کے مختلف علاقوں میں ہلکی اور تیز بارش کا سلسلہ جاری ہے، محکمہ موسمیات کے مطابق بارش کا سلسلہ آج (ہفتہ) سے وقفے وقفے سے جاری رہنے کا امکان ہے۔

ننکانہ صاحب کے گردونواح میں بھی مون سون بارشوں کا سلسلہ جاری ہے، اوکاڑہ میں بارش سے موسم خوشگوار ہوگیا، گرمی اور نمی کی شدت میں کمی ہوگئی۔

ملتان شہر اور گردونواح میں بوندا باندی کا سلسلہ جاری رہنے سے موسم خوشگوار ہوگیا۔

دوسری جانب محکمہ موسمیات کے مطابق کراچی میں آج مون سون کی بارش کا امکان ہے کیونکہ شہر بادلوں میں گھرا ہوا ہے، 8 اور 9 جولائی کو بارش ہونے کی پیش گوئی کی گئی ہے۔