پشاور متنی تھانے پر دہشت گردوں کا حملہ

پشاور: پشاور کے متنی تھانے پر دہشت گردوں نے حملہ کردیا جس کے نتیجے میں پولیس اور حملہ آوروں کے درمیان فائرنگ کا تبادلہ ہوا۔

ابتدائی اطلاعات کے مطابق پشاور کے علاقے آدم خان میں رات گئے مسلح دہشت گردوں نے متنی تھانے پر دھاوا بول دیا، پولیس اور حملہ آوروں کے درمیان فائرنگ کا تبادلہ ہوا۔

حکام نے تصدیق کی ہے کہ پولیس لائن اور پشاور کے دیگر تھانوں سے کمک متنی تھانے کے باہر پہنچ گئی ہے۔

تاہم فائرنگ کے نتیجے میں کسی جانی نقصان کے بارے میں کوئی اطلاع نہیں ہے اور سیکورٹی فورسز حملہ آوروں کو بے اثر کرنے اور حالات کو قابو میں لانے کے لیے کام کر رہی ہیں۔