سونے کی قیمت میں مسلسل دوسرے روز ہزاروں روپے کا اضافہ

سونے کی قیمتوں کو پر لگ گئے،مسلسل دوسرے روز سونے کی فی تولہ قیمت میں ہوشربا اضافہ، کاروباری ہفتے کے آخری روز ڈالرکی قیمت میں اضافے کے ساتھ ہی ساتھ سونے کی قیمت بھی آسمان کی بلندی پر پہنچ گئی ہے۔

مارکیٹ میں فی تولہ سونا 6,500 روپے اضافے سے 2 لاکھ 14 ہزار 500 روپے کا ہوگیا ہے۔ صرافہ مارکیٹ میں 10 گرام سونا 5,574 روپے اضافے سے ایک لاکھ 83 ہزار900 روپے پرآگیا ہے۔ عالمی صرافہ بازار میں فی اونس سونا 1959 ڈالرز مستحکم ہے۔

خیال رہے کہ گزشتہ روز بھی فی تولہ سونے کی قیمت میں 4 ہزار روپے کا اضافہ دیکھا گیا اور قیمت 208000 ہو گئی تھی۔