گال ٹیسٹ:سری لنکن ٹیم 279 رنز بنا کر آؤٹ،پاکستان کو 131 رنز کا ہدف

گال ٹیسٹ کے چوتھے روز سری لنکن ٹیم اپنی دوسری اننگز میں 279 رنز بنا کر آؤٹ ہو گئی، میزبان ٹیم نے پاکستان کو جیت کے لیے 131 رنز کا ہدف دے دیا۔

گال میں کھیلے جارہے سیریز کے پہلے ٹیسٹ میچ کے چوتھے روز سری لنکا نے دوسری اننگز کا آغاز 14 رنز کی مجموعی اسکور سے کیا تاہم کپتان ڈیموتھ کرونارتنے 20، کوشل مینڈس 18، اینجیلو میتھیوز 7، نیشان مدھشکا 52، دنیش چندیمل 28، سمارا وکرما 11 جبکہ رمیش مینڈس 42 رنز بناکر پویلین لوٹ گئے۔

Quality bowling as Sri Lanka innings is wrapped up for 279 ?

The chase gets underway with @imabd28 and @ImamUlHaq12 in the middle ?#SLvPAK pic.twitter.com/gCBHYMupp4

— Pakistan Cricket (@TheRealPCB) July 19, 2023

سری لنکا کی جانب سے دھننجایا ڈی سلوا 82 رنز کی مزاحمتی اننگز کھیل کر شاہین آفریدی کا شکار بنے۔ پراباتھ جے سوریا 10 رنز اور کاسون راجیتھا 5 رنز بنا کر پویلین لوٹ گئے۔

پاکستان کی جانب سے نعمان علی اور ابرار احمد نے 3، 3 کھلاڑیوں کو آؤٹ کیا جبکہ آغا سلمان اور شاہین شاہ آفریدی نے 2، 2 وکٹیں حاصل کیں۔