پاکستان 15 سال بعد ورلڈ جونیئر اسکواش چیمپئن شپ کے فائنل میں پہنچ گیا

میلبورن: پاکستان نے 15 سال کے وقفے کے بعد ورلڈ جونیئر سکواش چیمپئن شپ کے فائنل کے لیے کوالیفائی کر لیا ہے، سیمی فائنل میں محمد حمزہ خان نے اپنے فرانسیسی ہم منصب کو 2-3 سے شکست دے کر فائنل میں جگہ بنا لی ہے۔

ورلڈ جونیئر اسکواش چیمپیئن شپ کے سیمی فائنل میں پاکستان کے محمد حمزہ خان کو فرانسیسی حریف کے خلاف سخت چیلنج کا سامنا کرنا پڑا اور بالآخر 2-3 کے اسکور سے سخت جدوجہد سے فتح حاصل کی۔

محمد حمزہ خان 2008 کے بعد ورلڈ جونیئر اسکواش چیمپئن شپ کے فائنل میں پہنچنے والے پہلے پاکستانی کھلاڑی بن گئے ہیں۔

فائنل میں اس کا مقابلہ دوسرے سیمی فائنل کے فاتح سے ہوگا۔

ایونٹ کے دوسرے سیمی فائنل میں مصری کھلاڑی سلمان خلیل اور محمد زکریا انتہائی متوقع فائنل میچ تک رسائی کے لیے آمنے سامنے ہوں گے۔