وارثان جنت کےغم میں فضا سوگوار ملک کے چھوٹے بڑے شہروں میں محرم الحرام کی یاد میں جلوس و مجالس

آج نویں محرم کے روز لاہور، کراچی، اسلام آباد، کوئٹہ، پشاور سمیت ملک پاکستان  کے تمام چھوٹے بڑے شہروں  میں مجالس اور شبیہ علم و ،ذوالجناح کے جلوس روایتی راستوں پر رواں دواں ہیں، جلوس کے دوران عزادار ماتم اور نوحہ خوانی کرتے ہوئے شہدائے کربلا پر ڈھائے گئے مظالم کو یاد کرکے آہ بقا کر رہے ہیں  جلوسوں کے راستوں میں بڑی تعداد میں نذر و نیاز کا سلسلہ بھی جاری ہے۔

کربلا میں تین روز تک بھوک اورپیاس کی حالت میں دین پر قائم و دائم رہنے والے اپنا اسباب گھر بار دین پر لٹانے والے اپنے بچے دین کی سر بلندی کی خاطر کٹوانے والے اور حالت جنگ کی حالت میں بھی نماز قائم رکھنے والے اس وقت کے ظالم بادشاہ کے ہاتھ پر بیعت نہ کرنے والے  اہل بیت اور وارثان جنت کی یاد میں گلی محلوں میں پانی اورشربت کی سبیلیں لگائی گئی ہیں جب کہ جگہ جگہ لنگر کا بھی اہتمام کیا جارہا ہے۔