لاہورمیں محرم الحرام کا مرکزی جلوس اپنی منزل کی طرف گامزن

لاہور میں نویں محرم کا مرکزی جلوس پانڈو سٹریٹ سے برآمد ہوگیا جو اپنے مقررہ راستوں سے ہوتا ہوا امام بارگاہ خیمہ سادات پر اختتام پذیر ہوگا۔

پانڈو سٹریٹ اسلام پورہ سے آغاز کے بعد یہ جلوس سراج بلڈنگ پر مختصر پڑاؤکرے گا  اور نماز جمعہ  ادا کرے گا، پھر اسلام پورہ چوک، نیلی باغ چوک ، سول سیکرٹریٹ سے ہوتا ہوا پرانی انارکلی پہنچے گا جہاں نماز مغرب  ادا کی جائے گی۔

اس کے بعد یہ مقررہ راستوں سے ہوتا ہوا امام بارگاہ خیمہ سادات پراختتام پذیر ہوگا جہاں مجلس عزا ہوگی جس کے بعد شرکاء واپس اسی روٹ سے پانڈو سٹریٹ پہنچیں گے۔

نگران وزیراعلیٰ پنجاب محسن نقوی نے چیف سیکرٹری اور آئی جی پی پنجاب کے ہمراہ سکیورٹی انتظامات کا جائزہ لینے کیلئے جلوس کے مختلف مقامات کا دورہ کیا۔

جلوس میں سیکیورٹی کےسخت ترین انتظامات کیے ہیں اور 5000 سے زائد پولیس اہلکار جلوس کی سیکیورٹی میں مصروف العمل ہیں جبکہ ازاداران حسین کے لیے 1122 کا عملہ بھی سٹینڈ بائی پر موجود ہے اور جگہ جگہ مرہم پٹی کے لیے میڈیکل کیمپ بھی نصب کیے گئے ہیں۔

لاہور میں نویں محرم الحرم کی مجالس جاری#GNN #NewsUpdates #BreakingNews #GNN_Updates pic.twitter.com/iODr6tiIXB

— GNN (@gnnhdofficial) July 28, 2023