ق لیگی رہنما پلازے کی چوتھی منزل سے گر کر جاں بحق

اسلام آباد : ق لیگ کے مقامی رہنما میاں اللہ یار کڈ گو جاں بحق ہوگئے۔ ۔ساہیوال سے تعلق رکھنے والے مسلم لیگ ق لیگ کے ضلعی راہنما میاں اللہ یار گڈگور ٹکٹ ہولڈر صوبائی اسمبلی مسلم لیگ ق پراسرار طور پر اسلام آباد میں جاں بحق ہوگئے ۔

میاں اللہ یار گڈگور ٹ نجی ہاوسنگ سوسائٹی کے پلازے کی چوتھی منزل سے گر کر جاں بحق ہوگئے۔

لیگی رہنما نجی ہاؤسنگ سوسائٹی میں کاروباری معاملات کے سلسلے میں قیام پزیر تھے . پولیس نے اللہ یار گڈ گو کی نعش  کو تحویل میں لیکر تحقیقات شروع کردیں  نعش کو پوسٹ مارٹم کیلئے اسلام آباد کے پمز  اسپتال منتقل کردیا گیا ہے،تاہم واقعہ قتل ہے یا حادثہ تحقیقات کی جارہی ہیں .
ذرائع کا کہنا ہے کہ اللہ یار گڈگور کا کاروباری معاملات پر مبینہ طور پر دیگر پارٹنرز، اور پارٹیز  سے تلخ کلامی اور جھگڑا ہوا تھا، جس میں مد مقابل حریف نے  مبینہ طور پر پلازے کی چوتھی منزل سے نیچے پھینک دیا اور وہ موقع پر جاں بحق ہوگئے۔

ایس ایچ او لوہی بھیر کا کہنا ہے کہ میاں الله یاراپنے  چار دوستوں کے ہمراہ سوسائٹی میں موجود تھے تاہم واقعے کے فوری بعد چاروں دوستوں کو تحویل میں لے لیا گیا ہے . انہوں نے کہا کہ واقعہ کے متعلق حتمی طور پر کچھ نہیں کہا جاسکتا پوسٹ مارٹم و تحقیقات میں صورتحال واضع ہوگی .

پولیس ذرائع کے مطابق ابھی واقعے کی مزید  تحقیقات جاری ہیں۔