مضر صحت کھانا کھانے سے 2بچے جاں بحق،تیسرے کی حالت تشویش ناک

اسلام آباد کی حدود تھا نہ سنبل میں مضر صحت کھانا کھانے سے دو بچے جاں بحق ہوگئے،پولیس کے مطابق بچوں کی ہلاکت کی اطلاع ان کے والدین نے دی۔

بچوں کی نعشیں پوسٹ مارٹم کے لیے قریبی اسپتال منتقل کر دی گئیں، وفات پانے والے بچوں میں سات سالہ دانیہ اور ڈھائی سالہ علی شامل ہیں۔اسلام آباد پولیس کے مطابق مضر صحت کھانا کھانے سے متاثر ہونے والا تیسرا بچہ تاحال زیر علاج ہے۔

والدہ کے مطابق بچوں نے مضر صحت چاول کھائے ہیں جس میں زہر ملایا گیا تھا ایک بچہ پمز اسپتال میں زیرعلاج ہے جس کی حالت تشویش ناک بتائی جارہی ہے۔

اسلام آباد میں تھانہ سنبل کی حدودمیں زہریلا کھانا کھانے سے2بچے جاں بحق#GNN #GNN_Updates #NewsUpdates #Breakingnews pic.twitter.com/knS5SbJeKp

— GNN (@gnnhdofficial) July 29, 2023