کے الیکٹرک صارفین پر بجلی کے بلوں میں ایک روپیہ 52 پیسے سرچارج کا فیصلہ

کراچی : کے الیکٹرک صارفین پر بجلی کے بلوں میں ایک روپیہ 52 پیسے سرچارج لگانے کا فیصلہ کیا گیا ہے۔

وفاقی حکومت نے نیپرا میں درخواست جمع کروادی ہے جس پرنیپرا 15 اگست کو سماعت کرے گا۔

اس درخواست کے مطابق کےالیکٹرک صارفین پر بجلی کے بلوں میں ایک روپیہ 52پیسے سرچارج لگانے کا فیصلہ کیا گیا ہے، جس کا اطلاق تمام صارفین پرہوگا۔

بجلی کے بلوں میں یہ سرچارج سہ ماہی ایڈجسٹمنٹ کی مد میں لگایا جارہا ہے، جس سے شہرریوں پر 24 ارب 50 کروڑ کا بوجھ پڑے گا، اس سرچارج کا اطلاق ایک سال کے لیے ہوگا۔