روپے کے مقابلے میں ڈالر کی قیمت میں نمایاں کمی

کاروبار کے اختتام پر ڈالر کی قیمت میں کمی،انٹربینک میں ڈالر 2روپے 18 پیسے  سستا ہوگیا۔

اسٹیٹ بینک آف پاکستان  کے مطابق انٹر بینک میں ڈالر 2روپے 18 پیسے  سستا  ہو کر  288روپے سے نیچے آگیا،جس کے بعد انٹر بینک میں ڈالر 289.38 روپے سے کم ہوکر 287.20 روپے پر بند ہوا، ماہرین کا کہنا ہے کہ ترسلار زر اور دیگر انفلوز آنے پر روپے کی قدر میں بہتری دیکھی گئی جبکہ ایکسپوٹرز کی جانب سے بھی انفلوز آنے پر روپیہ تگڑا ہوا۔

Interbank closing #ExchangeRate for today https://t.co/e9M6aIzWPj#SBPExchangeRate pic.twitter.com/hpFQKlN3E9

— SBP (@StateBank_Pak) August 3, 2023

دوسری جانب  اوپن مارکیٹ میں ڈالر 292 روپے 50 پیسے کی سطح پر برقرا رہا،جبکہ اوپن مارکیٹ میں یورو 1 روپے کمی سے 321 روپے،برطانوی پاونڈ 1 روپے کم ہوکر 374 روپے پر آگیا ،امارتی درہم 81.80 روپے پر برقرار اور اوپن مارکیٹ میں سعودی ریال 78.20 روپے پر برقرار رہا۔