آرمی چیف جنرل عاصم منیر سے اسکواش چیمپئن حمزہ خان کی ملاقات،آئی ایس پی آر

چیف آف آرمی اسٹاف جنرل سید عاصم منیر نے ورلڈ جونیئر اسکواش چیمپئن محمد حمزہ سے ملاقات کی ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری اعلامیے کے مطابق آرمی چیف کی جی ایچ کیو میں محمد حمزہ خان سے ملاقات ہوئی جس میں سپہ سالار نے نوجوان چیمپیئن کو وطن کا پرچم سر بلند کرنے پر مبارکباد دی۔

چیف آف آرمی اسٹاف نے کہا کہ قوم میں آپ جیسے کئی باصلاحیت کھیلاڑی موجود ہیں۔ آپ جیسے باصلاحیت نوجوان ہم سب کے قابل فخر ہیں، آپ کی عظیم کامیابی اس قوم کی عظیم صلاحیت کو بھی اجاگر کرتی ہے۔

انہوں نے کہا کہ فوج ملک میں نوجوان ٹیلنٹ کی حوصلہ افزائی جاری رکھے گی اور انہیں تعلیمی حصول کے ساتھ کھیلوں میں مکمل تعاون فراہم کرنے کا وعدہ  پورا کرتی رہے گی۔ آئی ایس پی آر کے مطابق آرمی چیف نے مزید کہاکہ ہمارے نوجوان اس ملک کا مستقبل ہیں اور توجہ، لگن اور محنت کے ساتھ ایسا کچھ نہیں جو پاکستان حاصل نہیں کرسکتا