کاہنہ، گھرسے ملازمہ کی لاش برآمد، قتل یا خودکشی؟

لاہور: کاہنہ کے قریب نجی ہاؤسنگ سوسائٹی میں شہری ڈاکٹر علی رضا کے گھر سے  22 سالہ گھریلو ملازمہ کی لاش برآمد ہوئی ہے۔

علی رضا نے لاش دیکھ کر 15 پر کال کی جس پر پولیس نے موقع پر پہنچ کر پنکھے سے لٹکی ہوئی لاش کو تحویل میں لے کر تفتیش شروع کردی۔

پولیس حکام کے مطابق فرانزک ٹیم نے تمام شواہد اکٹھے کرلیے ہیں اور مختلف پہلوؤں پر تحقیقات جاری ہیں۔

پولیس نے پوسٹ مارٹم رپورٹ سے قبل ہی خدشہ ظاہر کیا ہے کہ ملازمہ نے خودکشی کی ہے، جبکہ پوسٹ مارٹم کے بعد ہی حقائق سامنے آئینگے۔