اٹک : تیز رفتار بس الٹ گئی، 13 افراد جاں بحق، متعدد زخمی

تفصیلات کے مطابق  برہان انٹرچینج کے قریب تیز رفتار بس الٹ گئی ہے۔ حادثے میں 13 افراد جاں بحق ہوگئے جبکہ  25 افراد زخمی ہیں ۔ بس لاہور سے مردان جارہی تھی۔جاں بحق ہونے والوں میں ایک خاتون اور بچی بھی شامل ہے۔

ذرائع کے مطابق  شدید زخمیوں کو راولپنڈی ریفر کردیا گیا ہے۔ حادثہ بس کا ٹائر پھٹنے کی وجہ سے پیش آیا۔

دوسری جانب وزیراعلی عثمان بزدارنے جاں بحق افراد کے لواحقین سے دلی ہمدردی اور اظہار تعزیت کیا ہے اور  زخمی افراد کو علاج معالجے کی بہترین سہولتیں فراہم کرنےکی ہدایت کی ہے۔

وزیراعلی عثمان بزدار نے افسوسناک واقعہ کے بارے انتظامیہ سے رپورٹ طلب کرلی ہے۔عثمان بزدار کا کہنا ہے کہ  جاں بحق افراد کے لواحقین  کے غم میں کے برابر کے شریک ہیں ۔