آرمی چیف سے چینی سفیر نونگ رونگ کی ملاقات ، آئی ایس پی آر

پاک فوج کے شعبہ تعلقات عامہ (آئی ایس پی آر) میجر جنرل بابر افتخار کے مطابق آرمی چیف جنرل قمر جاوید باجوہ سے چینی سفیر نونگ رونگ کی ملاقات ہوئی ہے  ،اس  ملاقات میں باہمی دلچسپی کے امور ،افغان امن عمل میں پیش رفت اور سی پیک کے بارے میں بات چیت کی گئی ہے۔

آئی ایس پی آر کا کہنا ہے کہ  ملاقات میں خطے کی سیکیورٹی صورتحال اور کورونا وبا کے حوالے سے تبادلہ خیال کیا گیا۔آرمی چیف نے کورونا سے نمٹنے کیلئے چین کی طرف سے پاکستان کی امداد پر شکریہ ادا کیا۔

آرمی چیف جنرل قمر جاوید باجوہ نے کہا کہ  پاک فوج چین کے ساتھ تعلقات کو قدر کی نگاہ سے دیکھتی ہے۔معزز مہمان نے خطے میں امن بالخصوص افغان مفاہمتی عمل کیلئے پاکستان کی مخلصانہ کوششوں کو سراہا ہے۔