سرسبز پاکستان کبڈی کپ ٹورنامنٹ (کل) سے شروع ہوگا

اسلام آباد: پاکستان کبڈی فیڈریشن کے زیراہتمام سرسبز پاکستان کبڈی کپ ٹورنامنٹ (کل) جمعرات سے گجرات میں شروع ہوگا۔

پاکستان کبڈی فیڈریشن کے سیکرٹری جنرل محمد سرور رانا نے بتایاکہ ٹورنامنٹ کے تمام انتظامات مکمل کر لئے گئے ہیں۔ ٹورنامنٹ لیگ سسٹم پر کھیلا جائے گا اور ٹورنامنٹ میں چار کلب حصہ لیں گے۔

جن میں آرمی کلب، واپڈا کلب، پی اے ایف کلب اور گجرات کلب شامل ہیں۔ٹورنامنٹ 24 ستمبر تک جاری رہےگا ۔ ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔