ایف بی آر نے ٹیکس ریٹرن جمع کرانے کی تاریخ میں توسیع کردی

اسلام آباد: فیڈرل بورڈ آف ریونیو (ایف بی آر) نے اتوار کو ٹیکس سال 2023 کے لیے انکم ٹیکس گوشوارے جمع کرانے کی تاریخ میں 31 اکتوبر 2023 تک توسیع کرنے کا فیصلہ کیا ہے۔

مختلف تجارتی اداروں اور ٹیکس بار ایسوسی ایشن کی درخواست کے پیش نظر ٹیکس ریٹرن کی تاریخ میں توسیع کی گئی ہے ،تمام ٹیکس پئیرز کو  30 ستمبر 2023 تک اپنے ریٹرن فائل کرنے کی ضرورت ہے، اس میں 31 اکتوبر 2023 تک توسیع کر دی گئی ہے۔انکم ٹیکس آرڈیننس2001 کے سیکشن 214A کے تحت حاصل اختیارات کے استعمال میں فیڈرل بورڈ آف ریونیو ٹیکس سال 2023 کے لیے انکم ٹیکس ریٹرن فائل کرنے کی تاریخ میں توسیع کی گئی ہے۔