عمران خان کی 9 کیسز میں درخواست ضمانت خارج ہونے کا فیصلہ معطل

اسلام آباد ہائیکورٹ نے چیئرمین پی ٹی آئی کی 9 کیسز میں درخواست ضمانت خارج ہونے کا فیصلہ معطل کرتے ہوئے متعلقہ عدالتوں کو دوبارہ کیس سننے کا حکم دے دیا۔

چیف جسٹس عامر فاروق اور جسٹس طارق محمود جہانگیری نے چئیرمین پی ٹی آئی کی درخواستیں منظور کرلیں۔

اسلام آباد ہائی کورٹ نے چیئرمین پی ٹی آئی کی 9 درخواست ضمانت پر محفوظ فیصلہ سنایا ۔

عدالت نے عمران خان کی 9 کیسز میں درخواست ضمانت خارج ہونے کا فیصلہ معطل کردیا ہے۔ 9 فوجداری مقدمات میں عمران خان کی ضمانت کی درخواستیں بحال کر دی گئیں۔

یاد رہے کہ عمران خان کی 6 ضمانتیں  سیشن عدالت اور 3 ضمانتیں  انسداد دہشت گردی عدالت نے خارج کی تھی